કરૂણાવતાર, કેળવણીકાર, એક મહાન કવિ, તત્વજ્ઞાની, સંત અને ગરીબો, પ્રાણીજીવમાત્રનાં સેવક સાધુ ટી.એલ. વાસવાણીજીનાં જન્મદિવસે – “મીટ લેસ ડે” પર કરુણા ફાઉન્ડેશન ટ્રસ્ટ-એનીમલ હેલ્પલાઈન(રાજકોટ) દ્વારા વેબિનારનું આયોજન કરવામાં આવ્યું છે. સાધુ વાસવાણીજીનું સંપૂર્ણ જીવન સમાજ સેવા થકી પ્રભુ સેવાનાં કાર્યોમાં જ પસાર થયું હતું. તેમને શાકાહારનું મહત્વ સમજાવતા “મીટ લેસ ડે” ઉજવવાની તાકીદ કરી હતી. માંસાહાર એક એવો ખોરાક છે જે લીધા પછી માણસનું શરીર સંપૂર્ણપણે એસીડીક બનતું જાય છે અને સ્વાસ્થ્ય જાળવવા માટે માનવ શરીર એસીડીકનાં સ્થાને અલ્કલાઇનની નજીક રહે એ વધુ હિતાવહ કહેવાય માટે શાકાહાર અપનાવવું જોઈએ. વેજ-ફૂડમાં પૂરતાં પ્રમાણમાં વિટામિન્સ, મિનરલ્સ, ફાઇબર હોય છે, તેમાં સંતૃપ્ત ચરબીનું પ્રમાણ બહુ જ ઓછું જોવા મળે છે, જેના કારણે બ્લડ-પ્રેશર અને કોલેસ્ટેરોલ પણ નિયંત્રણમાં રહે છે, સરવાળે, મોટી ઉંમરે હ્રદયને કાર્યાન્વિત રાખવામાં શાકાહાર ઉપયોગી પૂરવાર થાય છે. શરીરનું વજન એકસરખું જાળવી રાખવા તેમજ સંતુલિત સ્વાસ્થ્ય માટે શાકાહારને અપનાવવું ખુબ જરૂરી છે. શાકાહારનું આવું જ આગવું મહત્વ સમજાવવા તેમજ શાકાહાર કરવાથી થતાં વિભિન્ન ફાયદાઓ જણાવવા માટે આ વેબીનારનું આયોજન થયું છે. આ વેબીનારમાં “શાકાહાર, ઉત્તમ આહાર” વિષય પર, પૂર્વ કેન્દ્રીય મંત્રી અને રાષ્ટ્રીય કામધેનુ આયોગનાં પૂર્વ અધ્યક્ષ ડૉ વલ્લભભાઈ કથીરિયા, સમસ્ત મહાજનનાં ટ્રસ્ટી તેમજ ભારત સરકારનાં એનીમલ વેલફેર બોર્ડનાં મેમ્બર ગિરીશભાઈ શાહ, સદભાવનાં વૃદ્ધાશ્રમનાં પ્રમુખ વિજયભાઈ ડોબરિયા, આદી જીન યુવક ચેરીટેબલ ટ્રસ્ટનાં જયેશભાઈ જરીવાલા(મુંબઈ),કેળવણીકાર મેહુલભાઈ રૂપાણી, ગાર્ડી વિદ્યાપીઠનાં ધર્મેન્દ્રભાઈ મહેતા, સંજયભાઈ મહેતા(જૈન શ્રેષ્ઠી) ઉપયુક્ત વિષય પર માર્ગદર્શન આપશે. કરુણા ફાઉન્ડેશન-એનીમલ હેલ્પલાઈન(રાજકોટ)નાં પ્રમુખ મિત્તલ ખેતાણી આ વેબીનારનું સંચાલન કરશે. આ વેબિનાર આજ રોજ સાંજે 8:30 કલાકે કરુણા ફાઉન્ડેશનનાં ફેસબુક પેઇજ  https://www.facebook.com/animalhelplinekarunafoundation પર લાઈવ નિહાળી શકાશે. સૌને આ વેબીનારમાં જોડાવા મિત્તલ ખેતાણી, પ્રતિક સંઘાણી, રમેશભાઈ ઠક્કર, ધીરુભાઈ કાનાબાર, ઘનશ્યામભાઈ ઠક્કર, એડવોકેટ કમલેશભાઈ શાહ, રજનીભાઈ પટેલ, વિષ્ણુંભાઈ ભરાડ સહિતનાઓએ અપીલ કરી છે. આ અંગે વિશેષ માહિતી માટે મિત્તલ ખેતાણી(મો. 98242 219999) અને પ્રતિક સંઘાણી નો સંપર્ક કરવા યાદીમાં જણાવાયું છે.